Muqdisho,(insidesomalia.org)-Kooxo hubeysan ayaa xalay toogasho u geystay Allaha u naxariistee Guddoomiyihii Maxkamadda Sare ee degmada Wada Jir oo la oran jiray Sheekh Xasan.

Guddoomiyaha Maxkamadda Sare ee degmada Wada Jir Allaha U naxariistee Sheekh Xasan ayaa xiligii la dilayey uu ka soo baxay Salaadii Maqrib ee Xalay sida uu Saxaafadda u xaqiiqiyay Guddoomiyaha Degmada Wada Jir Axmed Xasan Caddow, wuxuuna Guddoomiyaha Degmada uu sheegay in lagu raad joogo kuwii ka danbeeyay dalka Mas'uulkaasi, cidii ku cadaadana la horkeeni doono sharciga hortiisa si loo marsiiyo sharciga iyo ciqaabta uu mudeystay.

Axmed Xasan Caddow Guddoomiyaha degmada Wada Jir ma sheegin sababta loo dilay Mas'uulkaasi, balse waxaa loo maleynayaa in ay qeyb ka tahay dilalka qorsheysan ee lala beegsanayo Mas'uuliyiinta Dowladda KMG ee xilalka ka haya hey'addaha kala duwan.

Ma ahan markii ugu horeysay ee dilal noocaan oo kale ah loo geysto Mas'uul ka tirsan Maamulka Gobolka Banaadir, iyadoo horay inta badan Guddoomiyeyaasha degmooyinka Gobolka Banaadir ay u la deen dilal loo geystay.